DATOJ: la 22-an ĝis la 24-an de AŬGUSTO 2025

 

LOKO: PORTLANDO, OREGONO, Usono

 

ESPERANTO-SPERTO POR ĈIUJ!

Ĉu vi ŝatus kuniĝi kun Esperantistoj, plibonigi viajn kapablojn kaj esplori la viglan kulturon de Portlando, Oregono? La Nordokcidenta Regiona Esperanto-Konferenco (NOREK) 2025 invitas vin al tritaga evento plena de interesaj paroladoj, interesaj diskutoj kaj unikaj ekskursoj. Ĉu vi estas progresinto aŭ nur komencanto, vi trovos agadojn faritajn por ĉiuj niveloj de Esperanto-parolantoj!

 

SEMAJNFINO DE AMUZO KAJ LERNADO

La vespero de vendredo, la 22-an de aŭgusto estos renkontiĝo ĉe loka restoracio.

 

La ĉefaj agadoj okazos sabaton, la 23-an de aŭgusto, kun ekscitaj ŝancoj por kaj ĉeestaj kaj interretaj partoprenantoj. La ĉeesta evento havos:

• Paroladojn en Esperanto

• Amuzajn agadojn en Esperanto

• Manĝaĵojn kune

• Okazojn por ekzerci sin Esperante kune

​

La vespero estos plena de ludoj kaj ridiga sciencfikcia "B"-filmo en Esperanto (nur por ĉeestaj partoprenantoj).

​

Dimanĉo la 24-an de aŭgusto inkluzivos laŭvolan ekskurson al la Saturday Market ("Sabato-Bazaro"—dimanĉe!) kaj viziton al Powell's City of Books (Urbo de Libroj).

 

ĈU VI ESTAS KOMENCANTO? NENIU PROBLEMO!

Se vi estas komencanto, vi trovos multajn bonvenigajn agadojn, inkluzive:

• Lecionetoj por helpi vin komenci tuj paroli

• Ludoj por amuzi lernadon

• Amikaj konversacioj kun spertaj Esperantistoj

 

VIRTUALA PROGRAMetO POR FORAJ PARTOPRENANTOJ

Ni komprenas, ke ne ĉiuj povas aliĝi ĉeeste. Por foraj partoprenantoj, ni organizos specialan retan sesion Ĉi tiu sesio daŭros inter 1 kaj 1,5 horoj.

​

Kotizo
$15 USD por persono se pagita antaŭ la 1-a de julio 2025 (ni akceptas Venmo, Cashapp kaj Paypal). Se pagita post la 1-a de julio 2025, la kotizo estos $20 USD por persono. Oni povas pagi ĝin per Venmo, Cashapp aŭ Paypal aŭ kontante kiam vi alvenos. Ĉi tio pagas por la kosto de la kunvenejo, manĝetojn, helpon pri transportado kaj aliajn hazardajn kostojn. Donacoj estas danke akceptataj. Se la kosto estas baro por veni, bonvolu kontakti nin je info@esperantopdx.org.

prelegu!
Se vi interesiĝas prelegi dum NOREK en Esperanto, ni proponas rabaton de $5 USD al vi kiel preleganto.

Loĝejoj
Se vi planas resti pli ol unu tagon, ni provizas liston de proksimaj hoteloj, gastejoj kaj aliaj loĝejoj.​

Bonvenon al Portlando!

Aliĝu al nia bonveniga komunumo, plibonigu vian Esperanton, kaj ĝuu belan Portlandon!​